Россиянинг Митишчи шаҳрида 29 январь куни даҳшатли фожиа юз берди. У ерда ўткинчилар кўп қаватли турар-жойнинг деразалари остидан бир ёшли боланинг жасадини топди. Бу ҳақда «Вести» хабар беради.
Дастлабки маълумотларга қараганда, болакай тўққизинчи қаватдаги квартирада онаси, у билан бирга яшовчи эркак ҳамда унинг опаси ва онаси билан бирга яшаган. Спиртли ичимликни биргаликда ичиш чоғида улардан бири болани деразадан ташлаб юборган.
Ҳозирги пайтда суриштирув ҳаракатлари ўтказилмоқда. Юз берган ҳодиса вазиятлари, шунингдек, жиноятни содир этган шахс аниқланмоқда.
LifeNews’нинг маълум қилишича, жиноятда боланинг онаси билан бирга яшовчи эркак гумон қилинмоқда. Терговнинг аниқлашича, ичкиликбозлик давомида можаро юзага келган ва гумонланувчи болани деразадан пастга улоқтирган.
Изоҳ (0)