Рақамлар: Тошкентда 1996—2015 йиллар оралиғида сезилган ва 6 баллгача бўлган зилзилалар сони

Ўзбекистон пойтахтида 1996—2015 йиллар оралиғида интенсивлиги 6 баллгача бўлган жами 206 та ерости силкинишлари сезилган. Бу ҳақда, Ўзбекистон Фанлар академияси Сейсмология институти маълумотларига асосланиб, UZ24 хабар бермоқда.

Энг кўп зилзила 2001 ва 2007 йилларда қайд этилган — ҳар икки сафар Тошкентда камида 19 маротаба зилзила юз берган. 2014 йил эса нисбатан сокин кечган — шу йили пойтахт аҳолиси 3 марта 6 баллгача бўлган зилзилани сезган ё сезмаган.

Жадвалга 7—8 балли зилзилалар киритилмаган. Мутахассисларнинг қайд этишича, 2008 ва 2010 йилларда шаҳарда интенсивлиги 1966 йилги Тошкент зилзиласи билан тенг бўлган ерости силкинишлари қайд этилган.

Маълумот учун, 2016 йилнинг дастлабки икки ҳафтаси давомида Тошкентда камида олти ерости силкинишлари сезилди.