Қрим мухтор республикаси прокуратураси реклама кампаниясида ярим оролни Россиянинг бир қисми сифатида тасвирлагани учун, Coca-Cola ва Pepsi компаниялари масъул шахсларига қарши иш қўзғади, дея хабар бермоқда «Корреспондент.net» Халқ фронтидан халқ депутати Георгий Логвинскийга таяниб.
«Coca-Cola ва Pepsi компаниялари ходимлари ноқонуний истило омма олдида эътироф этилишига йўл қўйиб берди, бу давлатимиз манфаатларига сезиларли даражада зарар етказди… Текширув натижаларини кутмоқдамиз», — деб ёзди Логвинский Facebook саҳифасида.
Эслатиб ўтамиз, дастлаб Coca-Cola ижтимоий тармоқларида Россия харитаси Қрим, Калининград вилояти ва Курил оролларисиз бўлган. Бу харита чоп этилгани учун компания кечирим сўраган ва шундан сўнг таркибига Қрим қўшилган Россия харитасини эълон қилган. Бу эса яриморолни босиб олинган деб ҳисоблайдиган украиналиклар норозилигига сабаб бўлган. Охир-оқибат Coca-Cola ижтимоий тармоқлардан харитани ўчириб ташлаган эди.
Изоҳ (0)