Бугун,

  • USD 11095.31
  • RUB 173.84
  • EUR 10772.44

Футбол бўйича Ўзбекистон олимпия терма жамоаси Рио—2016 Олимпия ўйинлари йўлланмалари тикилган U-23 Осиё чемпионатидаги иштирокини кутилганидан вақтлироқ якунлади. Самвел Бабаян қўл остидаги жамоа мусобақа гуруҳ босқичининг дастлабки икки ўйинида Жанубий Корея ва Ироққа мағлуб бўлиб, Олимпиада йўлланмасидан маҳрум бўлди.

Фото: ЎФФ матбуот хизмати

Фото: ЎФФ матбуот хизмати
Ўзбекистон олимпия терма жамоаси футболчилари нима сабабдан бундай муваффақиятсизликка учради, уларга нима халал берди ёки нима етишмади? Бу оғриқли саволга футбол мутахассислари жавоб беради.

Вақт етишмади

Фото: «Championat.asia»

Фото: «Championat.asia»
Рауф Инилеев, Ўзбекистон миллий терма жамоасининг собиқ бош мураббийи: «Терма жамоамизда мусобақага тайёргарлик кўриш учун кам вақт бўлди. Шу кунгача олимпия терма жамоамизни кўплаб мураббийлар бошқарди — бу ҳам қайсидир маънода ўз тасирини ўтказмасдан қолмади» («Championat.asia»).

Жамоавий ўйин етишмади

Фото: «Бунёдкор» ФК матбуот хизмати

Фото: «Бунёдкор» ФК матбуот хизмати
Мурод Отажонов, «Бунёдкор» футбол клуби академияси мураббийи: «Ёшларимизда жамоавий ўйин яхши шаклланмагани билиниб қолди. Футбол — жамоавий ўйин. Ҳамма йигитлар ҳаракат қилиши керак эди. Аммо ўйинчилар охиригача юқори савияда ўйнай олмади» («Championat.asia»).

Савия етишмади

Фото: ЎФФ матбуот хизмати

Фото: ЎФФ матбуот хизмати
Самвел Бабаян, Ўзбекистон олимпия терма жамоаси бош мураббийи, Ироққа қарши ўйиндан сўнг: «[Iroq uchinchi golini urgan vaziyatda] футболчимиз (Владимир Козак) охиригача курашиш ўрнига тўхтаб қолди. Ўйин ҳакам ҳуштагигача давом этади ва буни футболчилар билиши керак. Афсуски, [Kozak] ўша вазиятда қандай савиядаги футболчи эканини билдириб қўйди. Юқори савияли футболчилар бундай вазиятларда нима қилиш кераклигини яхши билади» (ЎФФ матбуот хизмати).

Ишончли дарвозабон етишмади

Фото: Getty Images

Фото: Getty Images
Рауф Инилеев, Ўзбекистон миллий терма жамоасининг собиқ бош мураббийи: «Бизга, энг аввало, ишончли дарвозабон етишмади. Ҳимоячиларимиз ҳам бир-бирини тушуниб ўйнай олмади... Агарда бу томондан камчилик бўлмаганида, ўйлайманки, олдинги чизиқдаги ишларимиз ёмон кечмасди» («Championat.asia»).

Лидер етишмади

Фото: Getty Images

Фото: Getty Images
Рауф Инилеев, Ўзбекистон миллий терма жамоасининг собиқ бош мураббийи: «Асосий камчилигимиз бу — олимпия терма жамоасида лидер ўйинчининг йўқлигидир. Бирорта футболчи яққол ажралиб тургани йўқ. Олдинги чизиқ вакилига қулай пас ошириб берувчи диспетчерни кўрмадим» («Championat.asia»).

Ғолиблик руҳи етишмади

Сайфиддин Эрматов (ўнгдан иккинчи). Фото: «Sports.ru»

Сайфиддин Эрматов (ўнгдан иккинчи). Фото: «Sports.ru»
Сайфиддин Эрматов, Равшан Эрматовнинг отаси, собиқ ҳакам: «Олимпия терма жамоасининг мағлубиятлари кайфиятимизни тушириб юборди. Уларнинг кўрсатган ўйинларига сира тушуна олмадим. Бизга ғолиблик руҳи етишмади» («Championat.asia»).

Бабаянга тажриба етишмади

Фото: «Sports.ru»

Фото: «Sports.ru»
Рустам Акрамов, ЎФФ Терма жамоалар маркази техник директори: «Самвел Бабаян ҳақида шундай дейишим мумкин: у яхши инсон, жамоани яхши шакллантирган, ‘Пахтакор’ билан Ўзбекистоннинг икки карра чемпиони бўлган. Шунингдек, у яхши менежер ва мураббий ҳамдир. Бироқ, Бабаянга мусобақада қатнашиш тажрибаси етишмади, деб ўйлайман» («Championat.asia»).

Боримиз шу

Фото: ЎФФ матбуот хизмати

Фото: ЎФФ матбуот хизмати

Самвел Бабаян, Ўзбекистон олимпия терма жамоаси бош мураббийи, Ироққа қарши ўйиндан сўнг: «Биз Олимпиада йўлланмаси учун курашаётган жамоага ютқаздик. Нима ҳам дердим, демак бугунги кунда имкониятларимиз, боримиз шу экан. Афсуски ҳеч нарса кўрсата олмадик» («Championat.asia»).

soyib-xojayev1

Изоҳ
Асосий янгиликлар
Спорт
Мессининг “Барселона”га қайтиш эҳтимоли бор. Хави ва Лео доимий алоқада бўлиб турибди 
Маҳаллий
Фарғонада Қирғизистондан келтирилган психотроп моддалар савдоси билан шуғулланганлар ушланди
Маҳаллий
Қашқадарё вилоятида қурилган намунали уйлар қулаб тушиш арафасида экани айтилмоқда (видео)