Футбол бўйича Ўзбекистон олимпия терма жамоаси 19 январь, сешанба куни U-23 Осиё чемпионатидаги сўнгги учрашувини ўтказди. «C» гуруҳи 3-тур баҳслари давомида Самвел Бабаян шогирдлари Яманга қарши баҳс олиб бориб, 3:1 ҳисобида ғалаба қозонди.
Ўзбекистон терма жамоасига ғалаба келтирган голлар Жавоҳир Соҳибов (18-дақиқа), Игорь Сергеев (68-дақиқа) ва Жалолиддин Машарипов (90+3) ҳисобига ёзилди. Мусобақани Ўзбекистон каби гуруҳ босқичидаёқ якунлаган Яман термаси учрашувнинг 82-дақиқасида U-23 Осиё чемпионатидаги ягона голини урди.
Эслатиб ўтамиз, гуруҳ босқичининг дастлабки икки учрашувида Ўзбекистон олимпия терма жамоаси Жанубий Корея (1:2) ва Ироқ (2:3) терма жамоаларига имкониятни бой бериб, 2016 йил ёзида Бразилиянинг Рио-де-Жанейро Олимпиадаси йўлланмаси учун курашдан чиққанди.
Изоҳ (0)