«Барселона» ва Аргентина термаси футболчиси Лионель Месси унинг футболкасини полиэтилен пакетдан ясаб олган ироқлик болага ёрдам бермоқчи, деб ёзади «Корреспондент.net».
Полиэтилен пакетдан Аргентина термаси формасини эслатувчи футболка ясаб кийиб олган Дахук шаҳрининг жажжи фуқароси акс этган сурат туркиялик ишқибозлар блогларида пайдо бўлиб, тезликда бутун интернетга тарқалиб кетди.
Twitter фойдаланувчилари Мессининг ҳақиқий футболкасини совға қилиш учун, болакайни қидириш бўйича кампания бошлади. Ушбу флешмоб ҳақида аргентиналик хабар топди ва болага ёрдам бериш истагини билдирди, аммо уни топиш қийин бўлиши кутилмоқда.
Изоҳ (0)