Ўзбекистон Бош прокуратураси ва Адлия вазирлиги 16 январь куни идоралараро мажлис ўтказди, у коррупцияга қарши кураш соҳасида чора-тадбирларни амалга ошириш мавзусига бағишланди, деб ёзади «Газета.uz».
Мажлисда давлат органлари, илмий-тадқиқот институтлари ва нодавлат нотижорат ташкилотлар раҳбарлари иштирок этиб, ушбу соҳада 2015 йилда амалга оширилган режали комплекс чоралар натижаларини муҳокама қилди. Шунингдек, 2016—2017 йиллар учун коррупцияга қарши тадбирлар комплексини кўриб чиқди.
Бундан ташқари, Коррупцияга қарши кураш бўйича ҳаракатларнинг Истанбул режасидаги янги тавсияларни бажариш бўйича саволлар муҳокама этилди.
Коррупцияга қарши кураш бўйича ҳаракатларнинг Истанбул режаси ўзаро баҳолашлар ва мониторинг дастури бўлиб, унда Арманистон, Озарбайжон, Грузия, Россия, Тожикистон, Украина, Қирғизистон, Қозоғистон, Ўзбекистон иштирок этади.
Изоҳ (0)