Ўзбекистоннинг биринчи ракеткаси, ATP рейтингида 59-ўринда таснифланган Денис Истомин «Катта дубулға» туркумига кирувчи Австралия Очиқ чемпионатининг илк даврасидаёқ мағлуб бўлди. Бу ҳақда «Sports.uz» хабар қилмоқда.
Мельбурндаги турнирнинг 1-даврасида ўзбекистонлик теннисчига мусобақа мезбони Бернард Томич қаршилик кўрсатди. Уч соат давом этган мазкур беллашувда Денис Истомин 7:6, 4:6, 4:6, 4:6 ҳисобида рақибига имкониятни бой берди.
Таъкидлаш керакки, Денис Истомин янги мавсумда қаторасига учинчи турнирнинг биринчи даврасидан ўта олмади. Олдинроқ Денис Австралиянинг Брисбен ва Сидней шаҳарларидаги мусобақаларда 1-даврада мағлуб бўлган эди.
Изоҳ (0)