Машҳур одамлар билан ёнма-ён яшаш ёқимли, аммо ҳар доим ҳам қулай эмас. Facebook раҳбари Марк Цукербергнинг қўшнилари унинг қўриқчиларига тегишли жиплар ҳудуддаги иккита қўшимча парковка қилинадиган жойни эгаллаб олишидан шикоят қилди. Бу ҳақда Buzzfeed нашрига таяниб, «Hi-Tech Mail.ru» хабар қилмоқда.
Цукерберг ўз оиласи билан Сан-Францискодаги энг ҳашаматли туманлардан бири Либерти-Хиллда яшайди. Долорес Парк ва бошқа қўшни туманларга одамлар дам олиш учун келиши туфайли ҳар бир парковка жойи ҳисоблидир.
Миллиардернинг қўшнилари очиқ хат ёзиб, туман аҳолисини Муниципал транспорт департаменти ва Facebook раҳбарининг турар-жойлари бўйича хавфсизлик менежери Тим Венцель номига шикоят жўнатишга чақирмоқда.
Facebook раҳбарининг расмий вакили қўриқлаш хизмати вакиллари қонунни бузмаётганини айтиб, юзага келган ноқулайликлар учун узр сўради. АҚШда одатда автомобилни уй ёнига қўйишади, бироқ йўлтанламас машиналар одатий автолардан узунроқ бўлгани сабабли улар пиёдалар йўлини тўсиб қўйиши мумкин.
Парковка қилинган жипдаги қўриқчилар Цукербергнинг қўшнилари билан одоб билан муомала қилади. Бироқ раҳбариятнинг талаби бўйича ҳар қандай ҳолатда ҳам автомобилни бошқа ерга кўчирмасликларини қайд этиб ўтишди.
Изоҳ (0)