Ўзбекистон Гидрометеорология хизматининг маълум қилишича, Термизда 9 январь кундуз куни ҳаво ҳарорати 19 даражагача иссиқ бўлди. Бу ҳақда UZ24 хабар беради.
Охирги марта бундай иссиқ об-ҳаво 1984 йилда қайд этилган бўлиб, ўшанда ҳаво ҳарорати 18,4 даражани ташкил этган эди.
Ҳаво ҳароратидаги бу каби рекорд мамлакатда Янги йилдан олдинги кунлардаёқ юзага келган илиқ об-ҳаво аномалияси давомида қайд этилди.
Синоптиклар маълумотига кўра, 12—13 январь кунлари мамлакатдаги ҳаво ҳарорати кечаси 0—5 даража, кундузи 8—13 даража иссиқни ташкил этади.
Аввалроқ, Самарқандда ҳам 2 январь куни ҳаво ҳарорати 21,3 рекорд даражага кўтарилган эди.
Изоҳ (0)