Саудия Арабистонининг Эрондаги дипломатик ваколатхоналарига нисбатан ҳужум уюштирилганлиги сабабли Кувайт ҳукумати Эрондаги элчисини чақириб олмоқда. Бу ҳақда Associated Press агентлиги берган маълумотларга асосан «ТАСС» хабар қилмоқда.
Эслатиб ўтамиз, Саудия Арабистони ташқи ишлар вазирлиги 2 январь куни терроризм ва фитна учун судланган 47 киши, шу жумладан, шиалар хатиби Нимр ан-Нимрга нисбатан ўлим ҳукми ижро этилганини эълон қилган эди. Шундан сўнг Теҳронда намойишчилар Саудия Арабистони элчихонасига ҳужум қилди.
Натижада Саудия Арабистони Эрон билан дипломатик алоқаларни узиб, давлатлар ўртасидаги авиақатнов ва икки томонлама савдо алоқаларини тўхтатишини, фуқароларига ушбу мамлакатга боришни ман қилган.
Шунингдек, Судан ва Баҳрайн расмийлари ҳам Эрон билан дипломатик алоқалар тўхтатилганини эълон қилган эди.
Изоҳ (0)