«Юлдузлар жанги»нинг янги эпизоди АҚШ тарихида касса тушумлари ҳажми бўйича 2-ўринни эгаллади

«Юлдузлар жанги: Кучнинг уйғониши» фильми АҚШда умумий ҳажмда 686,5 миллион доллар йиғиб, бутун мамлакат тарихида ушбу кўрсаткич бўйича иккинчи ўринни эгаллади, дея хабар бермоқда «ТАСС» картина ҳуқуқларига эгалик қилувчи Disney компанияси вакилларига таяниб.

Уларнинг таъкидлашича, «Юлдузлар жанги»нинг янги эпизоди ушбу маррани 1 январь, жума куни босиб ўтган. Касса йиғимлари умумий ҳажми бўйича биринчи ўринни айни пайтда АҚШда Жеймс Кэмероннинг «Аватар» (2009) фильми эгаллаб турибди. Унинг натижаси 760,5 миллион долларга тенг. Иккинчи поғонани шу пайтгача 658,7 миллион долларлик даромад билан «Юра даври олами» (2015) фильми банд қилиб турган эди.

Бутун дунё бўйича тушумлар ҳажмига кўра, картина ҳозирча 1,4 миллиард доллар билан еттинчи ўринда жойлашди.

Эслатиб ўтамиз, «Юлдузлар жанги: Кучнинг уйғониши» фильми прокатнинг биринчи уик-эндидаги йиғимлар бўйича жаҳон рекордини ўрнатган эди.