Актриса Зарина Низомиддинова ўз ўғлини ҳар доим ҳам Янги йил томошаларига ўзи олиб бора олмаслигини маълум қилди. Бу ҳақда «Даракчи» газетаси хабар бермоқда.
«Янги йил байрами яқинлашгани сари, турли томошалар ташкиллаштирила бошлайди. Ўғлим ҳар йили барча томошаларга боришни канда қилмайди», — деди Зарина Низомиддинова.
«Лекин ундай масканларда одам кўп бўлгани боис, ўзим олиб боролмайман. Ўғлим ҳам байрам томошаларига мен билан боришни ёқтирмайди. Мени қизғангани боис, олдимга келиб дастхат сўрайдиганлар, расмга тушадиганларни ёқтирмайди», — деди актриса.
«Баъзан ўзим одам кўп йиғилмайдиган жойларга олиб боришга ҳаракат қиламан. Ёдимда, отам ҳам мени фақатгина «Туркистон» саройида ўтадиган арча байрамига олиб борардилар», — дея қўшимча қилди актриса Зарина Низомиддинова.
Изоҳ (0)