«Тахтлар ўйини» сериали 2015 йилда торрентларда энг оммалашган телевизион шоуга айланди: сериал эпизодлари йил давомида 14,4 миллион марта ноқонуний равишда кўчириб олинган. Бу ҳақда Meduza хабар бермоқда.
«Тахтлар ўйини» TorrentFreak версияси бўйича қаторасига тўртинчи йил энг машҳур сериал деб топилмоқда. 2015 йил якунлари бўйича иккинчи ўринни «Тирик мурдалар» (6,9 миллион марта кўчирилган), учинчи ўринни эса «Катта портлаш назарияси» (4,4 миллион) эгаллаган.
Эслатиб ўтамиз, «Тахтлар ўйини» илк бор 2011 йилдан бери намойиш этилмоқда. Унинг олтинчи мавсуми 2016 йил апрелидан эфирга берилади.
Изоҳ (0)