Toshkent shahrining Nurafshon ko‘chasida bunyod etilgan zamonaviy uylarning sohiblari Yangi yil bayramini yangi uylarda kutib olmoqda. Bu haqda O‘zA xabar beradi.
29-dekabr kuni ushbu yangi uylarga ko‘chib kirgan oilalar uchun tashkil etilgan Yangi yil bayrami tadbiri uy to‘ylariga ulanib ketdi.
O‘zbekiston Prezidentining 2014-yil 20-noyabrdagi Toshkent shahrining Eski shahar qismida zamonaviy turar joylar barpo etish chora-tadbirlari to‘g‘risidagi qaroriga muvofiq Toshkentning ushbu hududida joylashgan, 5—6 oila birga istiqomat qilayotgan tor, eski hovlilar o‘rnida zamonaviy qulayliklarga ega ko‘p qavatli muhtasham uylar barpo etilmoqda.
Bugungi kunda shunday uylarning 15 tasi foydalanishga topshirilib, ularda 414 oila istiqomat qilmoqda. 2016-yilda yana 20 zamonaviy uy qurilib bitkazilishi ko‘zda tutilgan.
Eslatib o‘tamiz, Davlat rahbari 2015-yilning avgust oyida ushbu hududda amalga oshirilayotgan qurilish va obodonlashtirish ishlari bilan tanishgan edi.
Izoh (0)