Ўзбекистон Республикаси Адлия вазирининг буйруғи (pdf) билан нотариуслар томонидан нотариал ҳаракатларни амалга ошириш тартиби тўғрисидаги йўриқномага ўзгартириш ва қўшимчалар киритилди, дея хабар бермоқда «Норма».
Ҳужжатда келтирилишича, ижарага берилаётган мулк давлат рўйхатидан ўтказиладиган мулк бўлса, нотариус шу куннинг ўзида тегишли нотариал идорадан ушбу мулкнинг бошқа шахсга ўтказиш тақиқланмаганлиги ва хатланмаганлиги ҳақидаги маълумотномани олиши лозим. Бунда ушбу маълумотнома олинганлиги учун тўлов ундириш тақиқланади.
Фуқаролик кодексининг 541-моддасига асосан ижарага берилаётган мол-мулк топшириш ва қабул қилиш далолатномаси асосида топширилиши лозимлиги тарафларга тушунтирилади ва бу ҳақда шартнома матнида кўрсатилади.
Бундан ташқари, энди кўчмас мулк ижарага берилишида ижара шартномасини нотариал тартибда тасдиқлашда нотариус кўчмас мулк объектининг кадастр йиғмажилдини талаб қилади.
Изоҳ (0)