Техасда 26 декабрь, шанба куни юз берган торнадо оқибатида олти киши ҳалок бўлди. Бу ҳақда «ТАСС» берган маълумотларга асосан «Корреспондент.net» хабар қилмоқда.
Камида 40 та уй зарар кўрган ёки вайрон бўлган. Ҳукумат қурбонлар сони ошиши мумкинлигини таъкидлади.
Бўлиб ўтган бўронлар ва торнадо туфайли аэропортнинг Даллас ва Форт-Уэрт ўртасидаги фаолияти бир соатга яқин тўхтатиб қўйилди.
Эслатиб ўтамиз, АҚШнинг жануби-шарқида юз берган об-ҳавонинг ёмонлашуви оқибатида қурбон бўлганлар сони 18 кишига етган эди.
Изоҳ (0)