Фавқулодда вазиятлар вазирлиги 19—20 декабрь кунлари Қамчиқ довонида бўлиб ўтди. Унда Наманган ва Тошкент вилоятлари Фавқулодда вазиятларда уларнинг олдини олиш ва ҳаракат қилиш Давлат қуйи тизими (ФВДқТ)га кирувчи хизматлар бошқарув органлари ҳамда куч ва воситалари жалб этилди. Бу ҳақда Ўзбекистон ФВВ матбуот хизмати хабар бермоқда.
Ўқув машқи (ФВДқТ)га кирувчи бошқарув органли ва кучларини «Фавқулодда вазиятлар» режимига ўтказиш ҳамда авария-қутқарув ва бошқа кечиктириб бўлмас ишларни олиб боришни ўз ичига олган бир неча босқичларда ўтказилди.
Шунингдек, ўқув машқи доирасида бир қатор ўқув нуқталарида махсус-тактик машқлари ўтказилди. Уларда қидирув-қутқарув, вайроналар остидан ва йўл-транспорт ҳодисасига учраган автомобиллардан жабрланганларни чиқариш, биринчи тиббий ёрдам кўрсатиш, хавфсиз ҳудудларга эвакуация қилиш ишлари амалда синаб кўрилди.
Умуман олганда довонда, айниқса қишки мавсумда содир бўлиши мумкин бўлган турли фавқулодда вазиятларнинг олдини олиш ва оқибатларини бартараф этиш масалари кўриб чиқилди.
Бунда асосан, довон бўйлаб ташкил этилган назорат-кузатув постларининг ҳамкорликдаги ҳаракатларига алоҳида эътибор қаратилди. Бу каби тезкор тадбирларни бажаришда энг замонавий авария-қутқарув махсус техникалар, асбоб-анжомлар ва малакали қутқарувчилар жалб этилди.
Икки кун давомида ўтказилган ўқув машқининг якуний муҳокамаси довонда барпо этилган идоралараро тезкор штаб биносида бўлиб ўтди. Унда кузатувчи ва экспертлар фикрлари тингланиб, тегишли хулосалар чиқарилди.
Якуний қисмда ўқув машқи раҳбарияти томонидан мазкур тадбирларга тайёргарлик кўриш ва ўтказишда алоҳида жонбозлик кўрсатган ходимлар рағбатлантирилди.
Изоҳ (0)