Ўзбекистонда Янги йил байрами арафасида алоқа сифатини таъминлаш юзасидан чора-тадбирлар амалга оширилади, дея хабар бермоқда Ўзбекистон Республикаси Ахборот технологиялари ва коммуникацияларини ривожлантириш вазирлиги матбуот хизмати.
Янги йил арафасида, айниқса, Янги йил кечаси алоқа хизматларига бўлган эҳтиёж одатдагидан кескин ошиб кетиши кузатилади. Алоқа хизматларининг миллионлаб фойдаланувчилари яқинларига қўнғироқ қилади ва табрик хатлари жўнатади, интернетдан фаол фойдаланади.
Шу муносабат билан, Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан алоқа операторларига юзага келиши мумкин бўлган техник носозликларнинг олдини олиш, байрам олди ва байрамдан кейинги кунларда бу каби ҳолатларда компанияларда мутахассисларнинг суткалик навбатчилигини ташкил қилиш юзасидан топшириқ берилди.
Изоҳ (0)