Тоғли Қорабоғ ҳарбийлари бир ҳафтада Озарбайжон армиясининг 13 вакили йўқ қилинганини маълум қилди

Тоғли Қорабоғ низо ҳудудида сўнгги етти кун давомида кузатилган тўқнашувлар оқибатида Озарбайжон армиясининг ўндан зиёд ҳарбий хизматчиси ҳалок бўлди, 30 дан ортиғи яраланди. Бу ҳақда, мустақиллиги тан олинмаган Тоғли Қорабоғ республикаси (ТҚР) Мудофаа вазирлигига асосланиб, «РБК» хабар бермоқда.

«Тасдиқланган маълумотларга кўра, жорий ҳафта давомида Озарбайжон қуролли кучларининг камида 13 нафар ҳарбий хизматчиси ҳалок бўлди, 30 дан ортиғи яраланди», — дейилади ТҚР Мудофаа вазирлиги ахборотида.

Тоғли Қорабоғ ҳарбийлари маълумотларига кўра, 13—19 декабрь кунлари давомида Озарбайжон армияси арман жанговар марраларига қарата турли калибрдаги ўқотар қуроллар, шунингдек, миномётлар, гранатомётлар, танклар, реактив ракета-артиллерия установкалари ва зенит установкаларидан 19 мингдан ортиқ марта ортиқ ўт очган.

Аввалроқ, Арманистон ва Озарбайжон президентлари Тоғли Қорабоғ масаласида Швейцарияда музокара ўтказаётгани ҳақида хабар берилган эди.