АҚШ бошчилигидаги халқаро коалиция янглишиб Ироқ ҳукумат кучлари марраларига зарба берди. Бу ҳақда Пентагон томонидан тарқатилган баёнотда маълум қилинган, дея хабар беради Meduza.
«Дастлабки текширувлар коалиция авиазарбаларидан бири Ироқ ҳарбий хизматчилари ҳалок бўлиши ёки жароҳатланишига олиб келган бўлиши мумкинлигини кўрсатди», — дейилади мазкур баёнотда.
Ироқ мудофаа вазирлигининг маълум қилишича, коалициядан Фаллужа ҳудудида ИШИД жангариларига қарши жанг олиб бораётган ироқлик ҳарбийларга ҳаводан ёрдам кўрсатиш сўралган. Коалиция зарбаларидан бири ҳукумат қўшинлари ҳаракатланишини ҳисобга олмаган ҳолда берилган. Бунинг оқибатида Ироқ армияси зобити ва тўққиз нафар аскар нобуд бўлгани (ёки жароҳатлангани) билдирилмоқда.
Изоҳ (0)