Instagram’да жойлаштирилган Рим папаси сурати унинг илк селфиси сифатида қабул қилинди

Ватиканнинг Instagram’даги расмий саҳифасида 14 декабрь, душанба куни жойлаштирган Рим папаси Франциск суратини ижтимоий тармоқ фойдаланувчилари унинг илк селфиси сифатида қабул қилди. Бир неча соат ичида мазкур селфи салкам 10 мингта «лайк» тўплади. Бу ҳақда «Вести» хабар бермоқда.

Кейинчалик америкалик католик руҳонийси Жеймс Мартин фойдаланувчиларни бироз ҳафсаласини пир қилди. У Twitter’да «бу ‘селфи’ — селфи эмаслиги»ни билдириб, папанинг мазкур сурати видеочатларнинг биридан олинган скрин эканлигини билдирди. Аслида бунинг Рим папасини шундай хушчақчақ ҳолатда кўришдан мамнун фойдаланувчиларга унчалик катта аҳамияти йўқлигини улар қолдирган юзлаб изоҳлардан ҳам тахмин этиш мумкин.