Араб коалицияси Яманда 15 декабрдан бошлаб сулҳ тузишга рози бўлди

Саудия Арабистони етакчилигидаги халқаро коалиция Яманда етти кун давомида ўт очмаслик режими бошланганлигини маълум қилди. Бу ҳақда SPA агентлиги берган маълумотларга асосан, «Газета.ru» хабар қилмоқда.

Режим 15 декабрдан 21 декабргача бўлган муддатда амал қилади. Режим бузилган ҳолларда коалиция муносабат билдириш ҳуқуқини ўзида қолдирди.

Тузилган сулҳ Ямандаги низони сиёсий йўл билан ҳал қилиш учун зарур бўлган музокараларга имкон беради.

Эслатиб ўтамиз, Яман президенти Абду Раббо Мансур Ҳодий Саудия Арабистони бошчилигидаги коалицияни 2015 йил 15 декабрдан бошлаб ўт очишни тўхтатиш ҳақидаги режадан хабардор қилганлигини БМТга маълум қилган эди.