Saudiya Arabistoni yetakchiligidagi xalqaro koalitsiya Yamanda yetti kun davomida o‘t ochmaslik rejimi boshlanganligini ma’lum qildi. Bu haqda SPA agentligi bergan ma’lumotlarga asosan, “Gazeta.ru” xabar qilmoqda.
Rejim 15-dekabrdan 21-dekabrgacha bo‘lgan muddatda amal qiladi. Rejim buzilgan hollarda koalitsiya munosabat bildirish huquqini o‘zida qoldirdi.
Tuzilgan sulh Yamandagi nizoni siyosiy yo‘l bilan hal qilish uchun zarur bo‘lgan muzokaralarga imkon beradi.
Eslatib o‘tamiz, Yaman prezidenti Abdu Rabbo Mansur Hodiy Saudiya Arabistoni boshchiligidagi koalitsiyani 2015-yil 15-dekabrdan boshlab o‘t ochishni to‘xtatish haqidagi rejadan xabardor qilganligini BMTga ma’lum qilgan edi.
Izoh (0)