Райҳон концерт учун тайёрлаган реклама баннерларига занжир туфайли рухсат берилмагани учун тушкунликка тушиб қолди

Райҳоннинг концерт баннери шаҳар кўчаларига илиниш арафасида реклама сервиси тарафидан ўтказилмади, деб хабар беради «Sayyod.com».

Нашр қайд этишича, бунга баннерлардаги занжирлар сабаб бўлган. Аммо занжирли баннерга нима учун рухсат этилмагани сабаби номаълум.

«Янги фотосессия қилиб, уни яна қайта баннер билан реклама сервисидан ташқари яна бошқа ерлардан ҳам тасдиқлатиш ишларидан ўтказишга бир ярим ой кетиши аниқ. Бунга эса вақт йўқ. Шу баннернинг ўзидан занжирларни олишга қарор қилишган», — деб ёзади «Sayyod.com».

Нашрда ёзилишича, баннернинг занжирсиз тури кўнгилдагидек чиқмаган. Бу эса Райҳоннинг кайфиятига салбий таъсир қилган ва у тушкунликка тушиб қолган.

Эслатиб ўтамиз, Райҳонинг концерт дастури 2016 йилнинг 23—27 февраль кунлари «Истиқлол» санъат саройида бўлиб ўтади.