Rayhon konsert uchun tayyorlagan reklama bannerlariga zanjir tufayli ruxsat berilmagani uchun tushkunlikka tushib qoldi

Rayhonning konsert banneri shahar ko‘chalariga ilinish arafasida reklama servisi tarafidan o‘tkazilmadi, deb xabar beradi “Sayyod.com”.

Nashr qayd etishicha, bunga bannerlardagi zanjirlar sabab bo‘lgan. Ammo zanjirli bannerga nima uchun ruxsat etilmagani sababi noma’lum.

“Yangi fotosessiya qilib, uni yana qayta banner bilan reklama servisidan tashqari yana boshqa yerlardan ham tasdiqlatish ishlaridan o‘tkazishga bir yarim oy ketishi aniq. Bunga esa vaqt yo‘q. Shu bannerning o‘zidan zanjirlarni olishga qaror qilishgan”, — deb yozadi “Sayyod.com”.

Nashrda yozilishicha, bannerning zanjirsiz turi ko‘ngildagidek chiqmagan. Bu esa Rayhonning kayfiyatiga salbiy ta’sir qilgan va u tushkunlikka tushib qolgan.

Eslatib o‘tamiz, Rayhoning konsert dasturi 2016-yilning 23—27-fevral kunlari “Istiqlol” san’at saroyida bo‘lib o‘tadi.