Қозоғистон президенти Нурсултон Назарбоев мамлакат Россия билан космик соҳадаги ҳамкорликни давом эттиришини маълум қилди, деб хабар беради «Интерфакс».
«Агар ‘Бойқўнғир’ бўлмаганда, Россия билан ишончли, дўстона муносабатлар бўлмаганда, бизнинг юртдошларимиз космосга учмаган бўларди. Бу – биринчидан. Иккинчидан, ҳозирги пайтда Қозоғистон ракета учира олмайди, космодромга эга бўлиш, кадрлар тайёрлаш имконияти йўқ. Бироқ, биз бунга интилмоқдамиз», — деди Назарбоев республика телеканалларидан бирига берган интервьюсида.
«Ҳозир Россия томонидан ‘Восточний’ космодромини қуриш ҳақида сўз юритилмоқда, бизни бунга ҳеч қандай қаршилигимиз йўқ. Бироқ ‘Восточний’ пайдо бўлиши ‘Бойқўнғир’нинг ёпилишини англатмайди. Шунинг учун бундан кейин ҳам Россия билан биргаликда ишлашда давом этамиз», — деб таъкидлади у.
Россия «Бойқўнғир» космодромини 1994 йилда ижарага олган бўлиб, ижара шартномаси 2050 йилга қадар тузилган. Комплекс ижарасининг йиллик баҳоси 115 миллион долларни ташкил этади.
Изоҳ (0)