Обама: Париждаги иқлим юзасидан келишув сайёрани қутқариши мумкин
АҚШ президенти Барак Обама Париждаги иқлим бўйича глобал келишув нафақат сайёрани келажак авлод учун сақлашга ёрдам бериши, балки ҳозир яшаётган одамларни иқлим ўзгаришларининг энг қўрқинчли оқибатларидан қутқаришини маълум қилди. Бу ҳақда «ТАСС» хабар беради.
Барак Обама, шунингдек, олдинда ҳали кўп ишлар борлигини таъкидлаб ўтди.
Давлат раҳбари иқлим масаласида бутунжаҳон конференциясини ўтказганлиги учун Франция президенти Франсуа Олланд ва БМТ Бош котиби Пан Ги Мун, шунингдек, АҚШ давлат котиби Жон Керри бошчилигидаги Америка делегациясига миннатдорлик билдирди.
«Қисқача айтганда, ушбу келишув сайёрамизга таҳдид қилаётган углерод ифлосланиш даражасини пасайтириш, шунингдек, паст-углеродли технологияларга инвестиция киритиш орқали иқтисодиётнинг ўсиши ва янги иш ўринларини яратишни кўзда тутади», — деди АҚШ президенти.
