Жанубий Италиянинг Казерта вилоятида 10 декабрь, пайшанба куни тонгда полиция махсус бўлинмаси ва карабин билан қуролланган аскарлар томонидан уюшган жиноятчиликка қарши йирик кўламли операция ўтказилди. Операция жараёнида 24 киши, жумладан, маҳаллий маъмурият органлари вакиллари ва нуфузли тадбиркорлар ҳибсга олинди, деб хабар беради «РИА Новости».
Италия ҳуқуқни муҳофаза қилиш органлари маълумотига кўра, операция маҳаллий жиноий ташкилот каморри доирасида фаолият юритувчи қудратли «Казалези» жамоасига қарши ўтказилган. Ҳибсга олинганларга мафия фаолиятига алоқадорлик, жиноий йўл билан қўлга киритилган пулларни ундириш юзасидан айблов эълон қилинди.
Операция жараёнида тахминий қиймати 60 миллион еврони ташкил этувчи йирик савдо маркази мусодара этилди. Тергов органларининг маълум қилишича, ушбу тижорат объекти 2011 йилнинг декабридан буён қамоқда сақланаётган «Казалези» жиноий тўдасининг раҳбари Микеле Дзагарияга тегишлидир.
Операция Неаполнинг Мафияга қарши курашиш бошқармаси қарори билан амалга оширилганлиги маълум қилинди.
Изоҳ (0)