Ердан учирилганидан сўнг орадан беш йил ўтиб, Япония аэрокоинот тадқиқотлари агентлигининг (JAXA) «Акацуки» зонди Венера атрофидаги барқарор орбитага чиқди. Орбитанинг узоқ нуқтасида зонд ва сайёра ўртасидаги масофа Ер ҳамда Ой ўртасидаги масофадан узоқроқ бўлади. Бу ҳақда «Лига» хабар бермоқда.
Миссия раҳбарияти манёвр қиладиган саккиз двигателнинг ярмидан фойдаланиб, асосий двигатели номаълум сабабларга кўра парвоздан кейиноқ ишдан чиққан зондни қутқаришга муваффақ бўлди. Юзага келган фавқулодда ҳолат японияликларни зонднинг дастурий таъминотини миссиянинг илмий қисмига (Венера атмосферасини ўрганиш ва сатҳининг тасвирларини олиш) имкон борича зиён етмайдиган тарзда янгилашга мажбур этди.
Зонд аввал режалаштирилганидек сайёрани 30 соатда эмас, 15 кунда бир марта айланиб чиқади. Қурилма Венера орбитасида камида икки йил фаолият олиб бориши кўзда тутилган. Бундан олдин сайёрани тадқиқ этган EKA (Venus-Express) зонди 2014 йилда ўз ишини якунлаганди.
Изоҳ (0)