Михаил Ходорковскийга нисбатан Нефтеюганск мэри Владимир Петуховнинг қотиллик иши юзасидан сиртдан айблов эълон қилинди, деб хабар беради «РБК».
Аввалроқ Тергов қўмитаси Ходорковский ушбу жиноят ишининг буюртмачиси бўлиши мумкинлигини маълум қилган эди.
ЮКОС нефть компаниясининг собиқ раҳбари Михаил Ходорковский Twitter’даги аккаунтида унинг отасига 7 декабрь, душанба куни келтирилган чақирув қоғозини чоп этди. Чақирув қоғозида маълум қилинишича, Михаил Ходорковский 11 декабрь куни 18/35-03-рақамли жиноят иши юзасидан айбдор сифатида сўроқ қилиниши учун Тергов қўмитасига келиши лозим.
Петухов 1998 йилнинг 26 июнида Ходорковскийнинг туғилган кунида ўлдирилган эди. 2005 йилда ушбу қотиллик иши бўйича ЮКОС нефть компанияси хавфсизлик хизматининг собиқ ходими Алексей Пичугинга нисбатан айблов эълон қилиниб, у умрбод қамоқ жазосига маҳкум қилинган эди.
Изоҳ (0)