«Истиқлол» санъат саройида ўз концерти вақтида саҳнага чиқишга тайёрланаётган хонанда Ботир Қодиров тамаки чеккани учун жаримага тортилди. Бу ҳақда «Истиқлол» санъат саройи қўриқлаш хизмати бошлиғи Юсуф Бобожонов «Даракчи» газетасига маълум қилди.
«Ботир Қодиров чеккани учун, жаримага тортилди. Шу пайтгача ҳатто энг машҳур санъаткорлар ҳам бу ерда чекмаган. Нега энди ҳаммага баробар бўлган қонун Ботир Қодировни четлаб ўтиши керак?!», — деди Ю.Бобожонов.
«Ички тартибларга жавоб берса, концерт қўйишсин, бўлмаса саройимизда бундай хонандаларга ўрин йўқ», — дея қўшимча қилди «Истиқлол» санъат саройи қўриқлаш хизмати бошлиғи.
Аввалроқ Ботир Қодиров ўз концерти вақтида унинг оилавий ҳаёти ҳақидаги китобни кўриб қолиб, жаҳл устида саҳнани ташлаб чиққани, сўнг «Истиқлол» санъат саройига моддий зарар етказгани ҳақида хабар берилган эди.
Изоҳ (0)