Тошкентдаги барча уйлар 2016 йил охиригача оптик тола билан қамраб олинади

Тошкент шаҳрида 2015 йилда 525 та кўп қаватли уй оптик толали интернетга уланди. Бу ҳақда «Ўзбектелеком» АК Бошқарма бош мутахассиси Ёдгор Тўлаганов «Даракчи» газетасига маълум қилди.

Кадастр маълумотларига кўра, Тошкент шаҳрида 11 мингдан ортиқ кўп қаватли уйлар бор, ҳозирги вақтда 3000 дан ортиқ кўп қаватли уй FTТБ технологияси билан қамраб олинган.

«Йил охирига қадар яна 2000 та уй улар сафига қўшилади. 2016 йилнинг охирига қадар Тошкентдаги барча уйлар оптик тола билан қоплаб олинади», — дейди «Ўзбектелеком» вакили.