Россиянинг «Зенит» футбол жамоаси бош мураббийи Андре Виллаш-Боаш «Матч ТВ» телеканалига берган интервьюсида футбол бўйича Россия чемпионати доирасида Грознийда «Терек» ва петербургликлар ўртасида бўлиб ўтган ўйин чоғида микрофон орқали бақирган Чеченистон Республикаси президенти Рамзан Қодиров устидан шикоят қилди.
«Фақат Россиядагина футбол ўйинлари байрам кечасига ўхшайди. 22 футболчи майдон бўйлаб югурди, кимдир тўхтамасдан микрофон орқали бақирди, ҳакамнинг эса буни тўхтатишга журъати етмади», — деди португалиялик мутахассис.
Ўйин давомида Чеченистон раҳбари бир неча марта микрофон орқали жамоа ва мухлисларга қарата қўллаб-қувватловчи сўзларни бақириб айтган эди. Учрашув 4:1 ҳисобида мезбонлар фойдасига якунланди.
Изоҳ (0)