Туркия бош вазири Аҳмет Давутўғли курд адвокати, Диёрбакир адвокатлар ассоциацияси раҳбари Тоҳир Элчининг ўлдирилиши ташкилотчиларини топишга ваъда берди. Бу ҳақда «Коммерсант.ru» хабар бермоқда.
«Бу нохуш ҳодисага ойдинлик киритилади. Жиноятлар очилмай қолишига йўл қўймаймиз. Қотиллик тафсилотлари текшируви билан тўрт нафар катта терговчи шуғулланади», — дея таъкидлаган бош вазир.
Тоҳир Элчи, шунингдек, бир нафар полициячи 28 ноябрь, шанба куни Сур шаҳридаги матбуот анжумани чоғида рўй берган отишмада ҳалок бўлди. Уч нафар полициячи жароҳат олган. Отишма Курдистон ишчи партияси (КИП) вакиллари ва полиция ўртасида бўлиб ўтгани айтилмоқда.
Изоҳ (0)