Хонанда Лола Аҳмедова ижтимоий тармоқлардан фойдаланади, бироқ интернетни суиистеъмол қилмаслик керак, деб ҳисоблайди. Хонанда бу ҳақда «Бекажон» газетасига берган интервьюсида айтиб ўтди.
«Ўзим Instagram ва Facebook’дан фойдаланаман. Ижтимоий тармоқларнинг ижобий томони билан бирга салбий томонлари ҳам йўқ эмас. Санъаткорларга хавфли таҳдидлар кўпайиб кетди — шахсий суратлар ва видеоларни тарқатиб юборишлар... Бундай ҳаракатлар ҳеч қандай мезонга тўғри келмайди», — дейди Лола Аҳмедова.
«Беайб Парвардигор, ҳаммада ҳам камчилик бор. Бировнинг дардини достон қилиш миллийлигимизга зид, андишамиз, ғуруримиз, мардлигимиз қаерда қолди?! Нимага шулар қолиб, фитналар билан яшайдиган бўлиб қолдик?», — деб савол билан мурожаат қилди хонанда.
«Одам бир жойга боришга ҳам қўрқиб қолди — атрофингизда камералар йўқмикин, деб хавотир оласиз. Кимдир бунга қарши албатта курашиши керак», — дея қўшимча қилди хонанда Лола Аҳмедова.
Изоҳ (0)