Тергов Россия ички ишлар вазирлиги ички қўшинлари бош қўмондони Виктор Золотовни Борис Немцовнинг ўлдирилиши ҳақидаги иш бўйича сўроқ қилишдан бош тортди, дея хабар бермоқда «РБК» Немцовнинг фарзандлари манфаатини ҳимоя қилаётган адвокат Вадим Прохоровга таяниб.
Адвокат рад жавоби ҳеч қандай асосга эга эмас, деб ҳисоблашини ва бу юзасидан судга шикоят аризаси беришини маълум қилди.
5 ноябрь куни Прохоров Немцовнинг иши бўйича сўроққа Золотовни чақиришни сўраган эди. Унинг аниқлик киритишича, қотилликда бош айбланувчи Заур Дадаев хизмат қилган «Север» батальони Золотовнинг муассасаси тузилмасига киради.
Виктор Золотов ички ишлар вазирлиги ички қўшинлари бош қўмондони бўлгунича, Россия президенти хавфсизлиги хизматини бошқарган.
Изоҳ (0)