Қрим Краснодар ўлкасидан энергия кўприги орқали электр токи қабул қилишни бошлади, дея хабар бермоқда «Газета.ru» республика бош вазирининг биринчи ўринбосари Михаил Шереметга таяниб.
«Бу ҳақда ҳали ҳеч ким билмайди. Кубань—Керчь энергия кўприги орқали илк 22 МВт келиб тушди. Кечаси ўтказилган синовлар муваффақиятли кечди. Биринчи мегаваттлар Керчга етказилди. У бизнинг энг олис ҳудудимиз», — деди у.
Бош вазир ўринбосари ярим оролдаги энергетик таъминот билан боғлиқ вазиятни барқарор оғир деб атади.
Нашр эслатишича, 20 ноябрь куни ярим орол ҳудудидаги электр узатиш линиялари портлаши натижасида Қримга Украинадан электр энергияси узатилиши тўлиқ тўхтатилган эди. Қримда 1,9 миллион киши чироқсиз қолди.
Изоҳ (0)