Пхеньян Корея Республикаси ҳукуматини КХДРдаги вазият ҳақида туҳматдан иборат тарғибот хабарларини тарқатишда айблади, дея хабар бермоқда «ТАСС». Кореаларни тинч йўл билан бирлаштириш бўйича қўмитада Сеулда Корея Республикаси Миллий хавфсизлик стратегияси институти симпозиуми арафасида тарқатилган пресс-релизга эътибор қаратишди.
Унда айтилишича, «Шимолда диктатура сиёсати, қўрқитиш сиёсати олиб борилади». Қўмита вакиллари таъкидлашича, Жанубнинг бундай даъволари «нафақат КХДР олий раҳбарияти обрўсига путур етказади, балки Кореялараро муносабатларни жуда оғир аҳволга келтириш мақсадидаги сиёсий асосга эга тарғибот ҳам ҳисобланади».
«Бундай хатти-ҳаракатлар шундан дарак берадики, Жанубий Корея ҳукумати Кореялараро муносабатларни музокаралар йўли билан яхшилаш учун куч сарфлашни истамайди», — дея таъкидлади қўмита вакили.
Нашр эслатишича, 26 ноябрь куни КХДР ва Жанубий Корея 11 декабрь куни Кэсон қўшма индустриал ҳудудида вазирлар ўринбосарлари даражасида музокаралар ўтказишга келишиб олган эди.
Изоҳ (0)