Отиб туширилган Россия бомбардимончи самолёти бўлакларининг қулаши натижасида Туркиянинг икки фуқароси тан жароҳати олди. Бу ҳақда, Ulusal телеканалига асосланиб, «РИА Новости» хабар бермоқда.
Хабар беришларича, самолёт бўлаклари Туркиянинг Хатай вилояти Яйладағи туманида истиқомат қилувчи фуқароларга жабр етказган.
Россия Мудофаа вазирлигининг маълум қилишича, Россияга тегишли Су-24 самолёти, катта эҳтимол билан, ердан берилган зарба оқибатида Сурияда қулаган. Аввалроқ, Туркия ҳарбийлари мамлакат ҳаво кенгликларини бузиб кирган самолёт F-16 қирувчиси томонидан уриб туширилганини тасдиқлаган эди.
Воқеа: Туркия уриб туширган Су-24
Россия Мудофаа вазирлигининг алоҳида қайд этишича, уриб туширилган бомбардимончи самолёти бутун парвоз давомида фақат Сурия ҳудудида бўлган.
Изоҳ (0)