Россия Мудофаа вазирлиги Сурияда Россиянинг Су-24 бомбардимончи самолёти қулаганини тасдиқлади. Бу ҳақда, «РИА Новости» агентлигига асосланиб, «Газета.ru» хабар бермоқда.
«Самолёт 6 минг метр баландликда бўлган. Учувчиларнинг тақдирига ойдинлик киритилмоқда. Дастлабки маълумотларга кўра, учувчилар катапульта қилишга улгурган. Шунингдек, самолётнинг қулаши сабаблари ўрганилмоқда. Мудофаа вазирлиги бутун парвоз давомида самолёт фақат Сурия ҳудудида бўлганини қайд этиб ўтади. Бу ҳолат холис назорат воситалари билан қайд этилган», — дейилади вазирлик баёнотида.
Аввалроқ Туркия ҳарбийлари бомбардимончи самолёт F-16 қирувчиси томонидан уриб туширилганини тасдиқлаган эди.
Воқеа: Туркия уриб туширган Су-24
Самолёт Суриянинг Латакия вилоятига қулаган. Бунгача Туркия томони Россияни Суриядаги ҳарбий операция давомида Туркия ҳаво кенгликларини бузиб ўтаётгани юзасидан огоҳлантирган эди.
Изоҳ (0)