Куни кеча Осиё Чемпионлар Лигасининг 2015 йилги мавсуми ўз ниҳоясига етди. Финалда БААнинг «Ал Аҳли» клубини 1:0 ҳисобида мағлуб этган Хитойнинг «Гуанчжоу Эвергранд» жамоаси Осиё Чемпионлар Лигаси ғолибига айланди, деб хабар беради «Sports.uz».
Осиё футбол конфедерацияси матбуот хизмати қитъанинг клублар миқёсидаги энг нуфузли мусобақаси рамзий жамоасини маълум қилди. Унга кўра, Масааки Ҳигашигучи, Жан Линпенг, Квон Кюнг Вон, Ким Юнг Гвон, Ёсир Ал Шаҳрони, Ҳуанг Бовен, Женг Жи, Мажид Ҳасан, Аҳмад Ҳалил, Элкесон, Рикардо Гуларт каби футболчилар ортда қолган мавсумнинг рамзий терма жамоасидан жой олди.
Таъкидлаш жоизки, рамзий жамоада асосан финал ўйини иштирокчиларига ўрин берилган. Ўзбекистонлик футболчилардан эса бирортаси ҳам рамзий жамоадан жой олмади.
Эслатиб ўтамиз, 2015 йилги ОЧЛда Ўзбекистондан «Бунёдкор», «Пахтакор», «Локомотив» ва «Насаф» жамоалари иштирок этган эди.
Изоҳ (0)