Наманган вилоятининг Косонсой туманидаги маҳалла фуқаролари йиғинларидан бирининг раиси Солиқ, валютага оид жиноятларга ва жиноий даромадларни легаллаштиришга қарши курашиш департаменти (СВОЖЖДЛҚК) ходимлари томонидан қўлга олинди. Бу ҳақда «Ҳуқуқ» газетаси хабар бермоқда.
Маълум бўлишича, маҳалла раиси отасини Ҳаж зиёратига юбориш ҳаракатида юрган ҳамқишлоқларидан бирини 2015 йил бошида олдига чақириб, унга отасини зиёратчилар рўйхатига киритиб қўйиш имконияти пайдо бўлгани, бунинг эвазига 200 АҚШ доллари бериши кераклигини айтган.
Отасини Ҳажга юбориш ниятида бўлган фуқаро бу ҳолат ҳақида СВОЖЖДЛҚК департаментига маълум қилган, оқибатда қонунбузар маҳалла раиси қўлга олинган. Газета хабарига кўра, аёл «суд ҳукмига кўра, жиноий жавобгарликка тортилди».
Изоҳ (0)