Жон Ленноннинг ўтган аср 60-йилларида ўғирланган гитараси Беверли-Хиллздаги аукционда рекорд даражадаги сумма — 2,4 миллион долларга сотилди. Унинг харидори ўзини ошкор этмасликни маъқул кўрди. Бу ҳақда «Gazeta.kz» хабар бермоқда.
Леннон томонидан 1962 йили Ливерпулда харид қилинган Gibson гитараси «Битлз» гуруҳининг «Love Me Do», «Please Please Me», «I Wант то Ҳолд Ёур Ҳанд$/ЭХ$» ва «From Me to You» каби машҳур қўшиқларини яратишда фойдаланилгани маълум.
Гитара «Битлз»нинг Лондонда 1964 йил кириб келиши олдидан берган концертидан кейин йўқолган ва кейинчалик АҚШдаги дўконлардан бирида пайдо бўлганди. Уни 1970 йили кимга тегишли эканлигини билмаган гитарачи Жон Маккоу бир неча юз долларга сотиб олганди. Кейинчалик Маккоунинг дўстлари «Битлз» фотосуратлари альбомини томоша қилиш чоғида унинг Леннон қўлидаги гитара билан ўхшаш эканлигини пайқаб қолган. Экспертлар эса бу тахмин тўғрилигини тасдиқлаган.
Изоҳ (0)