«Ўзбеккино» Миллий агентлиги буюртмасига асосан «Ўзбекфильм» киностудиясида режиссёр Акбар Бектурдиев томонидан суратга олинаётган «Ойқиз эртаги» эртак-фильмининг дастлабки трейлери интернетда пайдо бўлди. Трейлер оммабоп видеохизматларда ва ижтимоий тармоқларда тарқалиб кетган.
Қарийб 130 сониялик трейлер жангари саҳналарга бой бўлиб, унда ватанни ёвуз кучлардан ҳимоя қилиш ҳақида сўз боради. Шунингдек, видеороликдан фильмдаги бош қаҳрамон — Ойқиз (Юлдуз Ражабова ижро этган) ва актёр Йигитали Мамажонов ўртасида муҳаббат ришталари бўлиши англашилади.
Скоро на экране будет такая сказка Впервые фильм такого маштаба на Узбекфильм
Postэд бй Мухайё Астанова он Тҳурсдай, 5 Новембер 2015
«Ўзбеккино» Миллий агентлиги матбуот хизмати маълум қилишларича, фильм «Соғлом бола йили» Давлат дастури талабларида белгиланган вазифалар ижросини таъминлаш мақсадида «Эртаклар оламида» ишчи номи остида 2014 йилда ишлаб чиқаришга туширилган бўлиб, унда қизиқарли афсона ва ривоятларга асосланган ҳолда Ватанни севиш, мардлик, ҳалоллик сингари эзгу ғоялар акс эттирилган.
Фильм сценарийси Муҳаммад Давлатиллоҳ ва Акбар Бектурдиев томонидан тайёрланган. «Ўзбеккино» Миллий агентлиги маълумотларига кўра, мазкур эртак-фильмни суратга олиш ишлари учун давлат бюджетидан 1,6 миллиард сўм миқдорида маблағ ажратилган. Фильм премьерасини Янги йил байрами арафасида ташкил этиш режалаштирилган.
Изоҳ (0)