HR бўйича эксперт Алёна Владимирскаянинг Lean Startup Russia 2015 конференциясидаги нутқини қисқача келтириб ўтамиз.
1. Агар бизнесни энди бошлаётган бўлсангиз, жамоанинг негизини рекрутинг ресурсларида қидирманг. Лойиҳанинг бош хантери ва аъзоси фақат сиз бўла оласиз. Сизга эса шундай кишилар келиши керакки, уларда янги иш топиш эмас, маҳсулотингизга ишониб, уни миллиардли бизнесга айлантириш нияти бўлиши керак.
2. Лойиҳанинг маркази (асосий стратегик қарорларни қабул қилувчи муҳим кишилар) беш кишидан кўп бўлмаслиги керак. Муҳим одамлар қанчалик кўп бўлса, ҳар қандай қарорлар шунчалик узоқ вақт давомида қабул қилинади, чунки барчани тинглаб, шунинг натижасида бир фикрга келиш керак бўлади.
3. Лойиҳанинг марказини йиғар экансиз, атрофингизни сиздан фарқли масъулиятларга эга кишилар билан ўрайсиз. Агар лойиҳа марказида маркетинг бўйича уч мутахассис бўлса-ю, технология бўйича бирорта ҳам бўлмаса, ҳеч қачон ҳеч нарса қила олмайсиз.
4. Лойиҳа марказида харизматиклар кўп бўлмаслигига эътибор беринг. Улар ҳукмронлик ва эътибор учун ўзаро низоларга киришиши турган гап. Натижада лойиҳангиз бир-бири билан душман бўлган бир нечта лагерга бўлиниб кетади, бу эса жуда хавфли.
5. Жамоани шакллантириш чоғида «минус бир» тамойилига амал қилинг. Икки кишидан кўп бўлимнинг ҳар бирида бу тамойил ишлаши керак: ходимларни зарур деб ҳисоблаганингиздан кўра бир кишига камроқ миқдорда ишга оласиз. Биринчидан, меҳнат тўлови жамғармасини тежайсиз, иккинчидан, одамларга ўйлаш ва ўз ишини оптималлаштириш, шунингдек, ўсиш имкониятини берасиз.
6. Сиз иш бошлайдиган кишиларнинг бир қисми кетиб қолишига тайёр туринг. Шунинг учун улушларни «эҳтиёткорлик билан» тарқатинг, акс ҳолда янги кишиларни ёллаш учун улушсиз қоласиз, шу билан бирга, ортингизда сизга ёрдам бермайдиган, балки баъзан зарари тегадиган улушли «йўловчилар» тўдаси бўлади.
7. Мураббийлардан фойдаланинг. Сизда бундай имкониятни қўлга киритиш учун етарли маблағ йўқ, бироқ кичик улуш бериш ёки шунчаки кучли хушомад қилиш орқали сифатли экспертиза, алоқалар ва имкониятларга эга бўласиз.
8. Бошқалардан кўра кўпроқ ишланг. «12 соат эмас, калла билан ишлаш керак» деган гапларнинг барчаси стартаплар учун кейинчалик, бизнес муваффақият қозонганидан сўнг тўқиб чиқарилган эртакдир. Жамоа мотивациясига ҳеч нарса, маҳсулот устида ишлаш ўрнига, маърузадан-маърузага қатнайдиган фаундер каби салбий таъсир ўтказмайди.
Эсда тутинг, бу қоидаларнинг барчаси стартапингиздаги штатли ходимлар сони 50 дан ошмаса ва лойиҳа бошланганига уч йил тўлмаган бўлсагина амал қилади. Агар бу шартларнинг бирортаси меъёрдан ошган бўлса, вазият умуман бошқача тус олади.
Лойиҳа «Дарё» ва StartupFactory.uz томонидан ишга туширилган.
Изоҳ (0)