Хонанда Дилсўз туғуруқхонада дард туриб ётган ҳолатини суратга тушириб, Telegram орқали тарқатиб юборган тиббий ходимларни судга берди, дея хабар қилади «Sayyod.com».
«Жиноий иш қўзғатиш учун ариза ёзиб бердим. Санъаткорларни бунақа ҳолатда суратга тушириб тарқатишлари биринчи маротаба эмас экан. Масалан, Хосият опани ҳам туғуруқхонадаги шу каби суратларини чиқариб юборишган экан. Бу нарсани чеклаш керак-ку, яхши инсон бўлса, унақа пайтда расмга олмаслиги керак эди. Бу яхши иш эмас», — деди Дилсўз.
Хонанда, шунингдек, «фарзанди эрта туғилиб қолибди», деб бошқа нарсага шама қилаётганларга жавобан, қизи етти ойлик бўлиб туғилганини, тўйлари расман эълон қилинишидан олдинроқ бўлиб ўтганини таъкидлади. Тўйни намойишкорона эълон қилиш оилавий шароитлар туфайли кейинроққа қолиб кетган. «Бу шахсий бўлгани учун ҳар битта одамга тушунтиришим шарт эмасди, бунга имкон ҳам йўқ. Ҳамманинг ўз ҳаёти бор-ку», — деди Дилсўз.
18 октябрь куни, Тошкент вақти билан соат 15:40 ларда Тошкентдаги 6-туғуруқхонада Дилсўз тахаллуси билан ижод қиладиган хонанда Гўзал Жуманиёзова-Раимова ва унинг турмуш ўртоғи «Манго» гуруҳининг собиқ аъзоси Фаррух Раимов қиз фарзандлик бўлганди.
Қизалоққа Дилсўз ўз тахаллусини исм тариқасида қўйишга қарор қилган ва унга Дилсўз исмини берган.
Эслатиб ўтамиз, хонандалар Дилсўз ва Фаррух Раимов жорий йилнинг апрель ойида турмуш қурган эди. Уларнинг никоҳ тўйи 15 апрелда Навоийда ва 21 апрелда Тошкентда бўлиб ўтган эди.
Изоҳ (0)