24 октябрь, шанба куни ирландиялик актриса ва хонанда Морин О’Хара Айдахо штатининг (АҚШ) Бойс шаҳридаги уйида, 96 ёшида вафот этди. Бу ҳақда унинг менежери маълум қилган, дея хабар беради «Коммерсант.ru».
Морин О’Хара «Нотр-Дамлик букри», «Водий ям-яшил эди» фильмларидаги роллари билан танилган. У жангари ва саргузашт фильмларда кўп суратга тушган. 2014 йили жаҳон кино санъатига қўшган ҳиссаси учун фахрий «Оскар» мукофоти билан тақдирланганди.
Изоҳ (0)