Жаҳон бокс ассоциацияси версияси бўйича супер оғир вазндаги жаҳон чемпиони ўзбекистонлик Руслан Чагаев Москва вилоятидаги Менделеево шаҳарчасидаги «Гюрза» бокс клуби тарбияланувчилари учун мастер-класс ўтказди. Бу ҳақда «НТВ-Плюс» матбуот котиби Алексей Прохоров «Дарё»га маълум қилди.
Мастер-классга бокс бўйича россиялик жаҳон чемпиони Зульфия Кутдюсова ҳам ташриф буюрди.
Руслан Чагаев ёш боксчиларга ҳимоя ва ҳужумнинг бир нечта усулини намойиш қилди. Шундан сўнг дастхатлар тақдим этди ва учрашув иштирокчилари билан эсдалик учун суратга тушди.
«Болалар билан мулоқот қилиш ва уларнинг бокс билан шуғулланишга бўлган интилишини кўриш мен учун ёқимли бўлди. Спорт болалари — бу бизнинг келажагимиз! Дўстлар вақтингизни йўқотманг, спорт билан шуғулланинг!», — деб ёзади Руслан Чагаев ўзининг Instagram’даги саҳифасида.
Изоҳ (0)