Гвинеяда Эбола вирусини юқтириб олиш билан боғлиқ янги ҳолат қайд этилди. Бу ҳақда, Жаҳон соғлиқни сақлаш ташкилоти (ЖССТ) матбуот котиби Маргарет Харрисга асосланиб, «РИА Новости» хабар бермоқда.
Шундай қилиб, Гвинеяда Эбола билан янги касалланган шахслар сони уч нафарга етди. ЖССТ маълумотларига кўра, янги бемор чақалоқ бўлиб, у аввалроқ Форекария шаҳрида айнан шу иситма билан зарарлангани аниқланган шахснинг фарзанди ҳисобланади.
Аввалроқ ЖССТ, тинч ўтган икки ҳафтадан сўнг, Гвинеяда икки киши Эбола иситмасини юқтириб олганини маълум қилганди. Касалланганларнинг бири Форекария шаҳрида истиқомат қилса, иккинчиси пойтахт Конакрида.
ЖССТнинг қайд этишича, Гвинеяда Эбола эпидемияси тугагани ҳақида сўнгги беморнинг соғайгани лаборатория шароитидаги икки текширувда тасдиқланганидан 42 кун ўтиб гапириш мумкин.
Изоҳ (0)